Policia italiane ka ndërmarrë një tjetër aksion kundër trafikimit të lëndëve narkotike. Këtë herë atër shqiptarë kanë rënë në pranga pasi u kapën me 5 kg heroinë.
Në kuadër të një operacioni blic nga policia e Padovas u bë e mundur kapja e drogës që kishte ardhur nga Lombardia dhe e shqiptarëve, të cilët u ndaluan në një parkim.
Një prej anëtarëve të bandës iu gjet e fshehur në garazhin e makinës 85 gram kokainë. Ky i fundit ia shiste drogën të rinjve, kryesisht në qendrën e Padovas.
Tashmë shqiptarët, emri i të cilëve nuk dihet, ndodhen në paraburgim, në pritje të caktimit të masës së sigurisë, ndërsa ndaj tyre rëndon akuza për ‘trafik dhe shitje të lëndëve narkotike’. (E.K/SHUPLAKA)
Discussion about this post