Në 9-vjetorin e pavarësisë së saj, qindra mijëra qytetarë marshuan në sheshet e rrugët kryesore të Prishtinës dhe jo vetëm për të festuar Ditën e Pavarësisë. Të shumtë ishin edhe emigrantët që u kthyen për t’i bashkuar përjetimit të kësaj dite.
Ajo që tërhoqi më shumë vëmendje gjatë zhvillimeve të djeshme në Kosovë, ishte mesazhi i thjeshtë e i fuqishëm i këtij vendi në ditën e tij.
Monumenti “New Born”, i cili konsiderohet si objekti domethënës për pavarësinë, ashtu si çdo vit në këtë datë, pësoi ndryshim. Ideatorët e këtij projekti vendosën që të bëjnë një modifikim, duke përmbysur dy gërma dhe duke shkruar “No Walls” në shqip do të thotë “Jo mure”, një veprim që i referohet zhvillimeve të fundit në Mitrovicë. (XH.A/SHUPLAKA)
