Kosova mbulohet në mesnatë nga dëbora, vështirësohet qarkullimi i mjeteve

Reshjet e dëborës kanë nisur të mbulojnë papritur Kosovën, duke vështirësuar qarkullimin e automjeteve në shumicën e segmenteve rrugore.

Mediat kosovare raportojnë se rruga Prishtinë-Pejë është e kalueshme por me vështirësi. Një situatë e ngjashme raportohet edhe në disa rrugë të tjera të vendit.

Raportohet se situata paraqitet më e normalizuar në kryeqytetin e Prishtinës, ku në sajë të ndërhyrjes së kompanive të pastrimit, rrugët kryesore janë pastruar ndërsa ato dytësore kalohen me vështirësi. (XH.A/SHUPLAKA)