Zbulohen identitetet e rreme që Armando Prenga ka përdorur në Itali

Informacione të reja dalin në dritë mbi deputetin socialist Armando Prenga, i cili po hetohet në kuadër të ligjit të dekriminalizimit. Sipas disa dokumenteve të policisë italiane, rezulton se deputeti ka përdorur identitete të ndryshme. Kështu, në dokumentet në fjalë thuhet se Mondi Prenga, i lindur më 26.06.1974, njihet edhe me këto emra: Ardian Ndoka, Mond Gjoni, Gjoni Don, Arjan Ndoci, Arjan Noc, Arjan Ndoci, Arjan Noci, Mondj Prenga dhe Mondi Prenga. Pra gjithsej 10 identitete!

Për më tepër, deputeti rezulton të ketë precedentë penalë të mëparshëm si grabitje, falsifikim dokumentesh dhe krim prone. Pavarësisht këtyre veprave ai nuk është në kërkim, pasi rezultojnë të jenë të parashkruara.

Ndërkohë, Armando Prenga rezulton të jetë i dënuar me gjobë edhe nga gjykata e Kurbinit për falsifikimin e dokumenteve. Ai është aktualisht në process hetimi në Gjykatën e Lartë, edhe për një plagosje me dashje për motive pronësie. (D.D/Shuplaka)