Kreu i opozitës Lulzim Basha merr fjalën në protestën që po zvillohet në çadrën para kryeministrisë. Sipas kreut të PD-së, Edi Rama nuk përballet dot me votën e shqiptarëve dhe i mbron kriminelët në parlament, pasi nuk fiton dot pa ta.
“Nuk ranë nga qielli kriminelët. E di që nuk ja del dot. Si mund t’ia dalë një njeri që premtoi shëndetësi falas deh sot shëndetësia është në kolapsin më të madh. E dinë që nuk përballen dot me votën e shqiptarëve dhe nuk e lëshojnë njeri-tjetrin. 10 deputetët me rekorde kriminale janë akoma në parlament. Pse i mban? I mban se i duhet për zgjedhjet e ardhshme. Do ti themi kurrë më kësaj fasade… Ai nuk punoi për një mirëqenie, pasi kurrë nuk ka qenë për punësimin. Demokraci fasadë do të thotë se çfarë do që të duan shqiptarët, ata duan të ndryshojnë rezultatin. Do t’i japim fund kësaj maskarade. Nuk do të ketë më zgjedhje të manipuluara. Nuk do pranojmë kurrë një drejtësi fasadë, pasi të gjithë do jenë të barabartë përpara ligjit”-tha Basha.
Më pas ai shton se kushti i opozitës për qeverinë është krijimi i një qeverie teknike.
“Nuk do të ketë më zgjedhje fasadë, por zgjedhje të lira dhe të ndershme. Kushti i kushteve tona është ky: ‘Zgjedhje të lira dhe të ndershme vetëm përmes një qeverie teknike’. Nuk do të ketë më demokraci fasadë. Zëri juaj dëgjohet, vota juaj numërohet dhe vullneti juaj është ligj!”, tha Basha. Vijon… (D.D/Shuplaka)
Discussion about this post