Burime për “Shuplakën” bëjnë të ditur se në orën 16:30 të ditës së sotme, kryetari i Kuvendit të Shqipërisë dhe njëherazi bashkëkreu i koalicionit qeveritar, Ilir Meta, do të shprehet zyrtarisht për protestën e opozitës.
Protesta nisi më 18 shkurt dhe sot ka hyrë në ditën e tretë të saj, por deri më tani nuk ka pasur asnjë reagim nga ana e kreut të Lëvizjes Socialiste për Integrim.
Teksa përfaqësues të PS-së me në krye kryeministrin Edi Rama kanë komentuar protestën e opozitës, nuk ka pasur zëra nga radhët e LSI-së.
Vetë kreu i qeverisë, u shpreh se kjo protestë e PD-së është një dukje e qartë e trembjes nga Reforma në Drejtësi, ashtu si djalli i trembet temjanit. Të njëjtin mendim ka ndarë edhe deputeti socialist Taulant Balla, i cili akuzoi PD-në se me bojkotin e Kuvendit synon të bllokojë punimet për Vettingun.
Vetë demokratët janë shprehur se protesta do të vazhdojë deri në rrëzimin e qeverisë dhe vendosjen e një qeverie teknike.
Përkundër këtyre deklaratave të palëve kundërshtare, ende nuk dihet se çfarë qëndrimi do të mbajë Meta, rreth tre muaj përpara zgjedhjeve parlamentare të 18 qershorit. (XH.A/SHUPLAKA)
