Lirohet nga burgu një nga vëllezërit shqiptarë, drejtonin bandën e “Escobarit të Ballkanit”

Dy vëllezërit nga Saranda, Dhimitër dhe Xhevahir Poti, janë arrestuar pak kohë më parë në Belgjikë si pjesë drejtuese e organizatës ndërkombëtare të drogës të “Escobarit të Ballkanit”. Kjo çështje e ka zanafillën te hetimet greke.  Por dy vëllezërit Poti janë në hetim edhe nga policia e prokuroria shqiptare prej vitit 2015 pasi në muajin Nëntor, drejtësia greke kërkoi informacion për firmën “CHIM PORD” në pronësi të Dhimitër Potit.

Mediat belge kanë publikuar sot detaje të reja në lidhje me këta persona. Sipas tyre, gjykata ka liruar të premten njërin prej vëllezërve me kusht,  Xhevahir Potin, ndërsa vëllain e tij, Dhimitër Poti, gjykata e ka lënë në burg. Por prokuroria belge e ka apeluar menjëherë vendimin e gjykatës, ka konfirmuar zëdhënësi i Prokurorise, Denis Goeman.

Sipas mediave belge, prokurori shqiptar Adriatik Llalla, në takimin qe ka pasur se fundmi me Prokurorin Federal Van Leeuë, kanë diskutuaar gjate mbi arrestimin e Klement Balilit. (J.V/Shuplaka)