Bakteri që shkakton helmim të ushqimit mund të përdoret për të zhdukur kancerin, thonë ekspertët e shëndetësisë. Në sajë të eksperiment të fundit në fushën e trajtimit të kancerit, të është quajtur “bakterioterapi” është vërtetuar se bakteri i salmonelës zhduk qelizat kancerogjene. Ata kanë zhvilluar një formë të ndryshuar gjenetikisht të salmonelës për të zhdukur qelizat kancerogjene dhe lënë qelizat e shëndetshme.
Gjatë një takimi përvjetor të organizuar në Boston, SHBA, hulumtuesit shkencorë nga Shoqata Amerikane për Zhvillimin e Shkencës treguan se gjatë eksperimenteve të para të kryera tek minjtë, duke përdorur një version të modifikuar të salmonelës u zvogëlua madhësia e tumoreve kancerogjene, shkuan gazeta shëndeti+. Ky lloj bakteri vë nën shënjestër vetëm qelizat kancerogjene.
Studimi:
Ai u projektua gjithashtu për të krijuar “shenja” që njihen nga sistemi imunitar, për të udhëzuar kështu sistemin mbrojtës të trupit që të shënjestrojë tumoret kancerogjene. Në momentin që u injektua tek qarkullimi i gjakut të minjve me kancer të zorrës së trashë, tumoret e ekspozuar ndaj bakterit filluan të tkurren. Studimi është kryer nga hulumtuesit shkencorë në Universitetin Chonnam në Korenë e Jugut, me në krye shkencëtarin korean Jin Hai Zheng. Ai është publikuar në revistën ‘Science Translational Medicine’. “Ky studim, i kryer tek minjtë, tregon se bakteri mund të përdoret për të përgatitur sistemin imunitar që të sulmojë qelizat kancerogjene. Hapi i radhës është të shohim nëse kjo metodë është e sigurt dhe nëse mund të përdoret për të ndihmuar pacientët”, deklaron dr. Catherine Pickworth, në Shoqatën Britanike për Hulumtimin e Kancerit. (J.V/Shuplaka)
Discussion about this post