Prokuroria ka shtyrë sot dhënien e pretencës për ish-deputetin Mark Frroku, i akuzuar për vrasjen e Aleksandër Kurtit në Belgjikë. Kjo pasi në seancë ku do të paraqitej edhe vendimi i organit të akuzës për dënimin e Frrokut, ky i fundit mungonte dhe po ashtu edhe avokatët e tij.
Po kështu Prokuroria ka kërkuar sot dënimin me 16 vjet burg të Kristian Morina (Marinaj), personi që akuzohet si bashkëpunëtor i Mark Frrokut, në vrasjen e Aleksandër Kurtit në 1999 në Belgjikë.
“Prokuroria e Tiranes kerkon 16 vjet burgim per Kristjan Martinaj, i akuzuar per vrasjen ne bashkepunim, ne Belgjike, te shtetasit Aleksander Kurti. Per kete ngjarje akuzohet edhe ish-deputeti Mark Frroku, konkluzionet per te cilin jane shtyre per ne dt. 28 shkurt”. Pretenca e prokurorisë është dhënë gjatë seancës së sotme të mbyllur për mediat ku merrnin pjesë vetëm familjarët.
Marinaj është shpallur në kërkim ndërkombëtar. I dyshuari, emri i të cilit ndodhet në listën e personave të shumëkërkuar nga drejtësia shqiptare, njihet edhe me disa emra të tjera, si Arjan Bytyçi, Hilë Joka ose Hilë Morina. (J.V/Shuplaka)
Discussion about this post