Trump zgjedh McMaster si këshilltar i sigurisë kombëtare

Presidenti amerikan Donald Trump ka emëruar Herbert Raymond McMaster si këshilltarin e tij të ri të sigurisë kombëtare.

Ai do të zëvendësojë Michael Flynn, i cili u pushua vetëm pas 3 javësh në detyrë, për shkak të lidhjeve të tij me Moskën.

Një toger i përgjithshëm i Ushtrisë Amerikane, McMaster ka shërbyer në Irak e Afganistan, ku ai ka punuar me një lëvizje qeveritare kundër korrupsionit.

Ndërkohë, zgjedhja e parë e zotit Trump, nënadmirali në pension Robert Harward, refuzoi rolin e këshilltarit të sigurisë, duke cituar arsye personale si shkak.

Zoti Trump e vlerësoi McMaster si një “njeri me talent dhe eksperiencë të jashtëzakonshme, i respektuar nga të gjithë në rradhët e ushtrisë.” McMaster njihet si një strateg ushtarak tepër i matur dhe i sinqertë.

Ai nuk duket të ketë marrëdhënie të afërta me Moskën dhe së fundmi u mandatua të studionte mënyrat se si Shtetet e Bashkuara mund t’i kundërpërgjigjen avancimeve ushtarake ruse.

Roli i tij përfshin shërbimin si këshilltar i pavarur i presidentit mbi çështje si siguria kombëtare dhe politika e jashtme, një ndër postet më të larta në qeverinë amerikane.

Këshilltari ndjek Këshillin Kombëtar të Sigurisë dhe mund të luajë rolin e ndërmjetësit mes departamenteve të ndryshme qeveritare. Roli i tij nuk është subjekt i konfirmimit të Senatit amerikan.