6 kandidatë të Vettingut dyshohet se nuk plotësojnë kushtet (EMRAT)

Dyshime të reja janë ngritur në lidhje me emrat e kandidatëve të publikuar nga Avokati i  Popullit për komisionin e Vettingut.
Ish-kryetarja e Gjykatës së Lartë, Shpresa Beçaj dhe ish-prokurorja e përgjithshme Ina Rama, rrezikojnë të skualifikohen nga lista, raporton Abc News.
Ky skualifikim mund te vijë pasi të dy ish-drejtueset e institucioneve më të larta të drejtësisë  kanë fituar procesin gjyqësor për rikthim në detyrën dhe kanë statusin e gjyqtarëve. Të qenurit me vendim gjykate, gjyqtare, edhe pse vendim nuk është zbatuar nga Këshilli i Lartë i Drejtësisë, ligji nuk të lejon të jesh pjesë e instucioneve të rivlerësimit kalimtar të gjyqtarëve dhe prokurorëve në Shqipëri.
Në listën e Avokatit të Popullit ndodhet edhe emri i juristes Nertila Sadedini. Sipas listës së avokatit të popullit, juristja Sadedini plotëson kriterët për të gjitha pozicionet në institucionet e rivlerësimit kalimtar të gjyqtarëve dhe prokurorëve në Shqipëri i njohur si komisioni i Vettingut.

Por  juristja Sadedini ka qenë në listën e kandidatëve të Partisë Republikane për deputete në qarkun e Beratit në zgjedhjet parlamentare të 2013-ës.

Pra, edhe Sadedini sipas ligjit, skualifikohet për shkak se në nenin 6 të ligji, ku parashikohen kriterët e zgjedhjes së anëtarëve të institucioneve të rivlerësimit, është vendosur ndër të tjera në mënyrë taksative se kandidatët nuk duhet të ketë ushtruar funksione politike në administratën publike ose nuk ka mbajtur funksione drejtuese në një parti politike gjatë 10 viteve të fundit. 

Emrat e tre kandidatëve të tjerë të cilët ishin vendosur në listën Avokatit të Popullit që plotësojnë kriterët  kanë qenë persona në hetim nga prokuroria për vepra të ndryshme penale kështu që skualifikohen.  (M.D/ Shuplaka)