Ish-kryeministri Berisha akuzon pasardhësin e tij, kryeministrin aktual Edi Rama, se i vjedh votat në një mënyrë komplet të paprecedentë. I ftuar në “Studio e Hapur”, Berisha sjell një formular të cilin sipas tij, Rama detyron Gardën e Republikës që të mbledhë votues për të.
“Ky është një formular, këtu thotë patronazhist, institucioni, garda e Republikës, funksioni, detyra që kryen, rrethi familjar, lidhje e patronazhistit me punonjësit, rrethi shoqëror. Emër, mik shok koleg pune… Ky është formulari sekret numër dy. Ky tregon se si hyn Edi Rama në zgjedhje.
Çdo punonjës garde këtu quhet patronazhist, ka për detyre të ketë nën patronazh një listë të tërë personash. Pas rrethit familjar është rrethi shoqëror. Kolegë pune, komshi… Ja, këtu thotë: Dorëzoje emrin, mbiemrin dhe nënshkrimin. Këtë formular ia shpërndan gjithë policisë së shtetit (Edi Rama), këtë formular ia shpërndan arsimit, mësuesve. S’ka asgjë më të dhimbshme se kjo! Unë kam votuar në terror, ne votonim nga frika, por sot është akoma më e tmerrshme. Kurse tani del formulari, a do votojmë apo s’do votojnë. Të gjithë arsimtarët e Tiranës i kam se si janë ndarë, i kam të gjitha. ”, deklaron Berisha. (D.D/Shuplaka)
Discussion about this post