Maqedonia vazhdon të mos ketë një qeveri. Ditë pas dite ka takime, negociata po ende larg duket një marrëveshje. Takimi mes Ali Ahmetit dhe Zoran Zaevit kokë më kokë në Reçicë të Tetovës ka qenë me tone të larta. Lideri i LSDM-së Zoran Zaev pas takimit dukej i dëshpëruar pasi Ahmeti nuk ka lëshuar pe në kërkesat e tij sa i përket shqipes si gjuhë zyrtare.
Zoran Zaev pas takimit me liderin e BDI-së Ali Ahmeti në selinë e BDI-së në Reçicë të Vogël, theksoi se jemi pranë marrëveshjes, dhe se nuk do të ndryshohet Kushtetuta, shkruan Tetovasot.
“Dëshira e LSDM-së është që të kemi zgjidhje kushtetuese për përdorimin e zgjidhjes. Ne nuk duhet të lejojmë asgjë që është jashtë Kushtetutës. Në qoftë se ne kemi dallime, do ta shtyjmë për 6 muaj dhe do të duhet një debat publik që qytetarët të vendosin”, tha Zaev.
Nga ana tjetër Ahmeti ishte i prerë në qëndrimet e partisë së tij ku BDI nuk do të lëshoj pe në kërkesat e shqiptarëve. Ai gjithashtu theksoi se sonte është biseduar për dallimet që ka BDI dhe LSDM e jo për nënshkrimet që nënkuptohej se s’ka qeveri pa shqipen.
Sipas Ahmetit do të gjithë pikat sërish do të diskutohen në këshillin qendror të BD-së për nënshkrimet nëse do tia japin LSDM-së dhe për pikat tjera.
Ahmeti në fund theksoi se përdorimi zyrtar i gjuhës shqipe është i garantuar me Kushtetutë, dhe dallimet që i kanë me LSDM nuk janë të mëdha, duke lënë hapësirë për takime te tjera me Zoran Zaevin.
Discussion about this post