Një sasi prej 138 kilogramë “Cannabis sativa” është gjetur dhe sekuestruar gjatë një kontrolli të ushtruar në një banesë në Dibër.
Mësohet se 100 kilogramë e kësaj sasie në total ishte e papërpunuar dhe vetëm pjesa tjetër prej 38 kg u gjet e përpunuar. Mësohet se lënda narkotike e papërnuar u gjet e future në thasë, e fshehur në banesën në lagjen “Kastriot” të Dibrës.
Burime të policisë bëjnë me dije se për rastin në fjalë janë shoqëruar tre persona.
Detaje të Policisë së Dibrës:
Sekuestrohen 38 kilogram lëndë narkotike e përpunuar dhe e paketuar,
rreth 100 kilogramë lëndë narkotike e pa përpunuar e futur në thasë, si dhe një sasi mbetjesh bime narkotike.
Gjatë kontrolleve të njëpasnjëshme të ushtruara nga efektivët e Policisë së Dibrës për parandalimin dhe goditjen e trafikimit të lëndëve narkotike, në vendin e quajtur “Fushë-Kastriot”, në një banesë të pa banuar është gjetur dhe sekuestruar një sasi lënde narkotike.
Policia ka sekuestruar në cilësinë e provës materiale 38 kg lëndë e dyshuar cannabis sativa e paketuar, rreth 100 kg lëndë e dyshuar cannabis sativa e pa përpunuar dhe një sasi mbetjesh të kalbura të bimëve narkotike.
Në lidhje me këtë ngjarje janë shoqëruar në ambjentet e Policisë 3 shtetas si të dyshuar për këtë ngjarje ku po merren në pyetje nga Specialistët për Narkotikët.
Po vijon puna për zbardhjen dhe dokumentimin e plotë të kësaj ngjarje si dhe vënien para përgjegjësisë ligjore të autorëve.
(XH.A/SHUPLAKA)
Discussion about this post