Analisti i njohur Fatos Lubonja shprehet skeptik ndaj diplomatëve ndërkombëtarë. Duke folur për ardhjen e deputetit të Parlamentit Europian në Shqipëri Knut Fleckenstein, Lubonja shprehet se dyhet të jemi dyshues ndaj ndërkombëtarëve.
“Mendoj se duhet të jemi më dyshues ndaj ndërkombëtarëve. Dhe ndërkomëtarët nuk mund të jenë kurrsesi të informuar siç jemi ne të informuar për situatën në Shqipëri, apo për Vettingut.Këta ndërkombëtarë nuk e shohin se këta politikanët tanë nuk pyesin as për gjykata as për gjë, mendojnë se kjo mund të zgjidhet vetëm me Vettingun, kur këta vetëm e shkelin ligjin.”, shprehet Lubonja.
Më tutje Lubonja përmend lirimin e kriminelëve nga burgu, siç ishte “Hakmarrja për Drejtësi”.
“Ka një pyetje shumë të madhe këtu? Si ka mundësi që shkelësit e ligjit nuk kanë frikë nga ligji? Si ka mundësi që lirohen nga burgu? Ose s’kanë frikë nga krimi ose krimi ka lidhje me qeverinë.”, janë fjalët e Lubonjës.
Sipas analistit të njohur, në këtë situatë, dalja në rrugë është hapi i fundit. Këtu i referohet protestës së opozitës.
Gjatë ditës së sotme, eurodeputeti Fleckenstein tha se Vettingu është kyç dhe u bëri thirrje opozitarëve që të mos e bojkotojnë më parlamentin. (D.D/Shuplaka)
