Gjatë ditës së sotme, dy ministrat Blendi Klosi dhe Mimi Kodheli vizituan një shkollë profesionale në qytetin e Bulqizës. Ata firmosën një marrëveshje për arsimin professional dhe shtresat në nevojë, me katër edhe kryetarët e Bashkive Bulqizë, Mat, Klos e Dibër.
“Ajo që po firmosim me katër kryetarët sot është një premtim publik, që më shumë shërbime do të japim për njerëzit në nevojë, më shumë shërbime do japim për njerëzit me aftësi të kufizuar, më shumë shërbime dhe më shumë pagesa do të japim për pensionistët, për të gjitha këto duhet të vijnë nëse Shqipëria punon më shumë, nëqoftëse brezi i ri edukohet dhe profesionalizohet më shumë, nëse do të kemi mundësi që vlera e punës të paguhet më shumë. E gjithë kjo përpjekje është për shtresën e mesme, e gjithë kjo përpjekje është që më shumë qytetarë të jetojnë me punë të denjë, të paguhen me punë të denjë dhe jeta e tyre të jetë e denjë.”, tha Klosi.
Nga ana tjetër, kryebashkiaku i Bulqizës Melaim Damzi tha se shkolla profesionale në Bulqisë e cila ofron kurse profesionale për teknik të mesëm minierash, aty ku u zhvillua edhe takimi, u hap falë mbështetjes së qeverisë. (D.D/Shuplaka)
Discussion about this post