Kreu i opozitës Lulzim Basha në një takim me studentët e ka quajtur republikë të kalbur të krimit Shqipërinë e qeverisur prej Edi Ramës. Ai u ka bërë thirrje studentëve por jo vetëm që të bashkohen për ta rrëzuar këtë republikë dhe të niset krijimi i një të reje.
“Kurrë më si më parë nuk do të pranojmë demokraci fasadë , nuk do të pranojmë parlment fasadë prapa të cilit fshihen bandat. Kjo është republikë e kalbur. Ti kthejmë popullit republikën e lirisë. Qeveria teknike është stacioni i parë. Ju jap fjalën, po hedhim themelet e një Shqipërie tjetër e cila nuk do të ketë asgjë të përbashkët me këtë republike që do të përmbysim” tha Basha nga cadra në takimin me studentët.
“Oligarkët kanë shtirë në dorë cdo pasuri dhe e kanë zhytur Shqipërinë si asnjëherë më parë dhe i kanë vënë shkelmin në fyt demokracisë” tha Basha. Po ashtu ai përsëriti qëndrimin se nuk do të ndalen deri sa të garantohen zgjedhjet e lira.
“Këta i kanë shndërruar qytetarët në skllevër të qeverisë fasadë. Në jemi këtu për t’i thënë kësaj jo, jemi këtu për ta hedhur nga themelet këtë ngrehinë të kalbur . Nuk mund të ketë zgjedhje të lira dhe të ndershme me kriminelë në pushtet. Një grusht pronarësh janë bërë mish me pushtetin dhe manipupjnnë të vërtetën . Ne nuk tërhiqemi deri në fitore. Miqtë tanë nga Brukseli në Washtington, Athinë e Berlin japin mbështetjen e tyre për zgjedhjet e lira”, tha ndër të tjera Basha. (M.D/ Shuplaka)
Discussion about this post