Presidenti i Federatës Shqiptare të Futbollit Armand Duka, pret që stadiumi “Renzo Barbera”, ku do të luhet ndeshja mes Italisë dhe Shqipërisë, të mbushet me tifozë shqiptarë
“Nuk ka munguar tifozi për ekipin kombëtar shqiptar dhe nuk do të mungojë, jam shumë i bindur, as në Palermo pavarësisht numrit të kufizuar të biletave që kemi si Federatë”, ka deklaruar Duka gjatë prezantimit të reja të fanellave.
“Jam shumë i bindur që shqiptarët që jetojnë në Itali apo Evropë, apo qoftë edhe ata që jetojnë në Shqipëri, do të kenë mundësinë të sigurojnë një biletë nëpërmjet rrjetit të Federatës dhe ta skuqin stadiumin e Palermos”, ka thënë ai.
Ndeshja mes Italisë dhe Shqipërisë, e vlefshme për Botërorin “Rusi 2018”, do të luhet më 24 mars në Palermo. Kjo ndeshje është mjaft e rëndësishme për vazhdimësinë e skuadrës kombëtare.
(M.D/ Shuplaka)
Discussion about this post