Partia Demokratike nuk tërhiqet nga protesta dhe as nga bojkoti i parlamentit. Kështu është shprehur kreu i opozitës Lulzim Basha në një deklaratë për mediat, nga “Çadra e Lirisë”.
“Opozita e ka vendosur parlamentin e saj derisa të zbatohen kushtet për zgjedhje të lira dhe të ndershme, që mund të realizohen vetëm me krijimin e një qeverie teknike. Nëse kjo nuk realizohet, është shkak për vazhdimin e protestave. Kështu ka dy rrugë: Mposhtja e popullit nga krimi ose fitorja e tij. Por ai që do të fitojë është jo krimi, jo korrupsioni. Nuk ka për të patur bojkot zgjedhjesh pasi do të ketë vetëm zgjedhje të lira dhe jo zgjedhje me krimin.”, deklaroi Basha.
I pyetur nëse pranon heqjen e kryeministrit apo ndonjë ministri nga qeveria, Basha përsëriti edhe njëherë shprehjen “nuk pranojmë koka turku”.
“Nuk pranojmë koka turku në këtë proces, jo për shkak të mungesës së dëshirës për negociata, sp sky kryemin e ka berë gjithçka në bashkëpunim me krimin e organizuar, ndaj duhet të dëgjojë zërin e njerëzve dhe ti hapim rrugën një qeverie teknike.”, tha Basha
Ndër të tjera kreu i opozitës i bëri thirrje edhe partive të tjera që t’I bashkohen kauzës së tij, për krijimin e një qeverie teknike.
“Është kauzë më e madhe se çdo parti poltike, çdo parti duhet t’i bashkohet kësaj lëvizje.”, ishin fjalët e Bashës. (D.D/Shuplaka)
