Gjatë mbledhjes së sotme, Këshilli i Ministrave ka miratuar vendimin për rritjen e pensioneve. Ministri i Financave Arben Ahmetaj, tha se shtesën e parave pensionistët do ta marrin nga data 2 mars.
Sipas ministrit, ky është një vazhdim i Paketës së Solidaritetit dhe nga ky vendim pritet të përfitojnë 619,000 pensionistë
Revista “Monitor” shkruan se skema me të cilën paguhet një pensionist është Pensioni Social plus Shtesën 1% të mesatares së kontributeve të tij. Kështu për vitin 2017, pensioni social është 8 mijë e 400 lekë. Ndërkohë që pensioni minimal në qytet së bashku me kompensimet është 14,200 lekë, në krahasim me 25,000 lekë që shkon pensioni maksimal. (D.D/Shuplaka)
