Rreth 13 refugjatë flitet se kanë ndërruar jetë si pasojë e asfiksimit brenda një kontenieri. Dy nga viktimat ishin të moshës 13 dhe 14 vjeç.Ngjarja ka ndodhur Libi. Kontenieri i mbyllur është transportuar nga qyteti qendror Bani Walid në Khoms në Libinë perëndimore.
Kreu i Kryqit të Kuq në Libi u shpreh për “Associated Press” se të vdekurit ishin në mesin e 69 emigrantëve, shumica nga Mali. Po sipas burimeve për Kryqin e Kuq, këta refugjatë kishin tentuar të kalonin përmes detit Mesdhe në Europë. Raportohet se ata kanë ndërruar jetë të hënën.
Ndërkaq shumë prej të mbijetuarëve u gjetën me gjymtyrë të thyera. Një vajzë 5-vjeçare ishte në mesin e tyre. (XH.A/SHUPLAKA)
Discussion about this post