Rrahu një nxënës në Tiranë, arrestohet sërish djali i deputetit (DETAJE)

Djali i deputetit Mhill Fufi, deputet i përjashtuar nga grupi i Partisë Demokratike, ka hasur sërish në përballjen me forcat e policisë.

Mësohet se Geri Fufi 17 vjeç është ndaluar nga Policia e Tiranës pasi në bashkëpunim me një bashkëmoshatar, ka rrahur një nxënës të shkollës “Besnik Sykja” në Tiranë. Burime të policisë bëjnë me dije se Geri Fufi së bashku me shokun e tij, Rino Spaho kanë rrahur 17-vjeçari D. S., i cili ka bërë edhe denoncimin ndaj tyre.

Kjo nuk është hera e parë që 17-vjeçari Fufi haset me policinë. Ai ndalua nga policia rreth dy vite më parë në 2015-ën, pasi u kap me pistoletë në shkollë.

“Më datë 23.02.2017, u referuan materialet në Prokurorinë e Rrethit Gjyqësor Tiranë, për shtetasit Geri Mhill Fufi dhe Rino Nderim Spaho, të datëlindjes 27.12.199 e 16.06.1999, banues në Tiranë, me arsim 12 klasë, sepse më datë 22.02.2017, ora 13:00, përballë shkollës “Besnik Sykja” kanë goditur me grusht shtetasin D.A.S, i datëlindjes 17.12.2000, banues në Tiranë, me arsim 12 klasë në vazhdim. Ata akuzohen për rrahje dhe dënohen me gjobë.”, citohet në njoftimin e policisë. (XH.A/SHUPLAKA)

(Geri Fufi)

(Mhill Fufi)