Pas përfundimit të takimit me kreun e prezencës së OSBE-së, Bernd Borchardt, në ambientet e Minsitrisë së Brendshme, edhe ministri Tahiri ka dhënë një deklaratë për mediat pak pas Borchardt.
Në reagimin e tij, ai nuk foli për takimin e përfunduar që vjen pas deklaratës së fuqishme të dy ditëve më parë të kreut të prezencës së OSBE-së, por përsëriti objektivin e Policisë së Shtetit për këtë vit.
Ai u ndal edhe në sulmet ndaj Partisë Demokratike, për të cilën u shpreh se ajo që synon pengimin e reformës në drejtësi, është përgjegjëse për zhytjen e Shqipërisë në kanabis.
“Ka 27 vjet në pushtet dhe nuk ka bërë gjë kundër kanabisit, nuk kanë bërë kurrë asnjë gram punë. Pas 2013 filloi lufta këtë vit mbaron. Ua shpjegova, do të thotë se do të bëjmë çdo ditë nga një luftë për të vazhduar rrugën e reformave.
Reforma në drejtësi kyç për zhvillimin e vendit. Ata që pengojnë reformën në drejtësi janë ata që e lanë Shqipërinë të zhytur në kanabis.”, deklaroi Tahiri. (XH.A/SHUPLAKA)
Discussion about this post