Makina merr flakë në ecje, ish-i burgosuri nga Fieri humb të dyja këmbët

Një ngjarje e rëndë ka ndodhur mbrëmjen e sotme në qytetin e Fierit, ku një makinë është përfshirë nga flakët ndërkohë që ishte në ecje.

Si pasojë e këtij incidenti, ka mbetur i plagosur rëndë drejtuesi i automjetit. Policia bën me dije se i plagosuri quhet Armando Sulo dhe është 34-vjeç. Ai është dërguar me urgjencë në spitalin rajonal të Fierit, ku I është nënshtruar një ndërhyrjeje kirurgjikale, por fatkeqësisht ka humbur këmbët.  Vetëm pak ditë më parë Sulo kishte dalë nga burgu, pasi ishte arrestuar për armëmbajtje pa leje.

Mësohet se kjo ngjarje ka ndodhur në lagjen “Kryengritja” në Fier, në vendin e quajtur “Poçeria”. Ende shkaqet e incidentit, megjithatë policia ka nisur hetimet.
Njoftimi i policisë:
“Më datën 25.02.2017, ora 18:05, në lagjen “Kryengritja” Fier, në vendin e quajtur “Poçeria”, në ecje e sipër është përfshirë nga flakët mjeti tip BMV me targa AA 252 NM, që drejtohej nga shtetasi A.S, 34 vjeç, banues ne lagjen “Kastriot”, i cili ndodhet në Spitalin Rajonal Fier nën kujdesin e mjekëve. Grupi hetimor ndodhet në vendngjarje dhe po punon për zbardhjen e shkaqeve të kësaj ngjarje.” (D.D/Shuplaka)