Një gazetare e re është vrarë teksa raportonte nga fushëbeteja e Mosulit në Irak, ku ushtria irakiane dhe kurde po luftojnë me terroristët e ISIS-it.
Shifa Gardi, e cila punonte për stacionin televiziv kurd “Rudaw” është vrarë nga shpërthimi i një bombe të vendosur në rrugë.
Ajo po raportonte për avancimin e forcave irakiane në zonat perëndimore të Mosulit, të kontrolluara deri së fundmi nga Shteti Islamik.
“Rudaw” tha se 30-vjeçarja kishte thyer stereotipin e gazetarisë së luftës të dominuar nga meshkujt.
Trupat irakiane kanë hyrë në distriktet perëndimore të Mosulit për herë të parë të premten, si pjesë e një ofensive shumë të gjerë që filloi në muajin tetor për pastrimin e qytetit nga xhihadistët.
Televizioni kurd tha se kameramani që ishte me Gardin, Yunis Mustafa, ishte plagosur në shpërthim.
