Avokat Spartak Ngjela ka thënë sot se Romana Vlahutin, Ambasadorja e BE në Tiranë do të hyjë në historinë e Shqipërisë si diplomatja që mundi banditizmin e mafies dhe një mike e madhe e popullit shqiptar.
“Romana Vlahutin do të mbetet në historinë e Shqipërisë si një mike e madhe e popullit shqiptar.
Romana Vlahutin është personaliteti i madh i diplomacisë perëndimore që mundi banditizmin e mafies shtetërore në Shqipëri, në një kohë kur ishte domosdoshmëri për avenirin perëndimor të Shqipërisë dhe për lirinë e shqiptarëve, në atdheun e tyre. Kështu do të shkruajë historia e Shqipërisë për diplomaten e mençur kroate” shkruan Ngjela.
Sipas Ngjelës nuk është fare rastësi që përsëri një kroat ishte edhe historiani i madh, Milan Shuflai, i cili iu dha shqiptarëve me argumente shkencorë vendin e tyre të lashtë në historinë e Gadishullit Ilirik.
“Shqiptarët do t’i jenë gjithmonë mirënjohës kësaj zonje të lartë dhe popullit nga i cili ajo rrjedh.
Falemnderit, Romana Vlahutin” përfundon Ngjela. (M.D/ Shuplaka)
