Dy ditë pas arrestimit të 41-vjeçarit që akuzohet për përndjekje dhe ngacmim seksual ndaj një vajze nga Kamza, ai është denoncuar në polici edhe nga dy të tjera.
Bëhet fjalë për Saba Shkozën, i cili akuzohet se ka tentuar të abuzojë seksualisht 25-vjeçaren me iniciale A.K., në rrugën “Beslidhja” në Kamëz.
Ndërkohë, dy vajza të tjera kanë bërë kallëzim në polici se Shkoza ka tentuar t’i fusë me forcë në makinë, por nuk ia ka arritur pasi të rejat janë ndihmuar nga kalimtarët.
Në vitin 2008 Shkoza, ka qenë i arrestuar për pengmarrje dhe është dënuar nga Gjykata e Krimeve të Rënda. Pas daljes nga burgu ai është zhvendosur në Kamzë, për shkak të problemeve që kishte me banorët prej të shkuarës së tij problematike, ndërkohë që familjarët jetojnë në fshatin Priskë të Tiranës. (D.D/Shuplaka)
