Protesta e banorëve të Zharrëzës prej ditësh ka marrë vëmendjen jo vetëm të mediave por edhe të qytetarëve të thjeshtë.
Kjo pasi secili prej banorëve mbart me vete brengën për familjen dhe shtëpinë, për fëmijët që iu është dashur të zgjohen nga lëkundjet e shtëpive.
Ndërkohë që një nga politikanët më aktivë në mbështetje të tyre ka qenë edhe Ben Blushi. Me fjalët e tij në Parlament ai ka paeluar disa herë për ta zgjidhur këtë situatë.
Në një kohë kur grevistët e Zharrëzës janë zhvendosur drejt Tiranës, ai iu ka bërë një vizitë atyre ditën e djeshme në orët e mbrëmjes.
Mirëpo kjo vizitë nuk i është dukur aspak e këndshme analistit Agim Xhafka. Ai e ka akuzuar Blushin se po vazhdon me përdhunimin e tij ndaj banorëve të Zharrëzës.
Sipas tij marrëveshja me Bankers është nënshkruar në kohën kur Blushi ishte ministër në kohën e Nanos.
‘’Mbrëmë pashë Blushin tek grevistët e fshatit Zharrëz. M’u duk si ai përdhunuesi që shkon serbes në dasmën e vajzës që shqeu. Se Bankers kontratën e bëri me qeverinë Nano ku Beni ishte ministër. Selfie me viktimat! Tmerr…’’, shkruan Xhafka. (E.K/SHUPLAKA)
