Zëdhënësi i kancelares gjermane Angela Merkel ka reaguar për protestën e opozitës që po zvillohet nën “Çadrën e Lirisë”, përballë me kryeministrinë. I pyetur nga gazetarët Steffen Seibert thotë se Gjermania mbështet kursin e reformave të qeverisë shqiptare.
Do të doja tju pyes edhe për një rajon tjetër, ballkanin perendimor, për shqiperinë për të qenë me specifik. Per dy javë rresht, opozita ka bllokuar parlamentin. Lideri opozitar Basha thotë se ka marrë mbështetjen e shumë përfaqesuesve të huaj për të rrezuar qeverinë e koruptuar te Edi Rama e për të caktuar një qeverie teknokrate e cila të qendrojë në pushtet deri në muajin qershor. A eshte qeveria federale e Gjermanise nje prej perfaqesuesve te huaj qe mbeshtesin kete pretendim?
Steffen Seibert: Nuk jam në dijeni të kësaj deklarate të liderit të opozitës shqiptare. Ajo që mund tju them është se qeveria federale e Gjermanise mbështet kursin e reformave të qeverisë shqiptare. Siç e dini, shqiperia ka ndërmarre disa hapa drejt një reforme gjithëpërfshirëse të sistemit gjyqësor. Gjermania asiston dhe mbështet sidomos këtë proces të Reformës në Drejtesi duke dërguar edhe gjykatës gjermane në misionin EURALIUS. Është në interesin e popullit të Shqipërisë, ku meqë ra fjala shumica e dëshiron këtë reformë, që të ecë përpara në këtë proces. Për këtë arsye, është e rëndësishme që të gjitha forcat politike punojnë së bashku në parlament. Nisur nga kjo, qeveria federale e gjermanisë i bën thirrje të gjitha partive politike të Shqipërisë të zbusin mosmarreveshjet politike. Thirrjet për dhunë, që dëgjohen herë pas here, nuk mund dhe nuk duhet të jene një nga mjetet për të imponuar pozicione konfliktuale politike, shkruan Top Channel. (J.V/Shuplaka)
Discussion about this post