Kreu i Kuvendit Ilir Meta zhvilloi sot një bisede telefonike kreu e AAK-së Ramush Haradinajn. Metaj i shprehu Haradinajt solidaritetin e tij dhe të Kuvednit.
“Uroj që kjo situatë të marr fund sa më shpejt. Uroj të takohemi sa më shpejt në Tiranë dhe Prishtinë. Uroj që të marrë fund ky proces absurd dhe provoaktiv”, u shpreh Meta.
Gjykata e Apelit në qytetin francez, Colmar, nesër pritet të bëjë të ditur vendimin pas kërkesës së Serbisë për ekstradimin e kryetarit të AAK-së, Ramush Haradinaj.
Seanca gjyqësore do të jetë e hapur për publikun dhe është caktuar të fillojë në orën 9:00 të mëngjesit.
Avokati i Ramush Haradinajt, Arianit Koci ka thënë se beson fuqishëm që Serbia nuk ka mundur të sigurojë “prova të reja”, siç është pretenduar. Koci shprehu besimin se nesër gjykata franceze nuk do të vendosë për ekstradimin e Haradinajt, por për lirimin e tij. (J.V/Shuplaka)
