E ftuar në emisionin “Info Magazine” në Kosovë, bashkëshortja e kreut të AAK-së, Ramush Haradinaj, Anita Haradinaj, tregon se çfarë pret ajo nga gjyqi i nesërm në Francë.
“Nuk e di, nuk mund të paragjykoj mbi vendimin, por besoj që Franca do të veproj drejt, pra besoj që do të lirohet”, thotë ajo.
Ndër të tjera, Anita ka treguar se pas arrestimit të bashkëshortit të saj, insitucionet kosovare jo vetëm që nuk e kanë telefonuar, por as nuk e kanë mbështetur në këto ditë të vështira për ta.
“Nuk pata telefonata nga zyrtarë institucionalë të Kosovës, por nga diplomatë dhe zyrtarë të lartë të Shqipërisë, Edi Rama më ka telefonuar etj. Unë kam marrë telefonata dhe mbështetje të jashtëzakonshme nga politika e Shqipërisë”- tha bashkëshortja e Haradinajt.
Ramush Haradinaj u arrestua më katër janar të këtij viti në Francë, pas disa fletëarresteve të lëshuara nga Serbia që më 2004-ën. (D.D/Shuplaka)
