Luis Enrique zyrtarisht do të largohet nga Barcelona në fund të këtij sezoni.
“Nuk do të jem trajner i Barcelonës sezonin e ardhshëm. Dua të pushoj”, tha Luis Enrique pas ndeshjes me Sporting Gijon, ku Barcelona fitoi 6:1.
Pas këtij lajmi, në mediat spanjolle kanë filluar të qarkullojnë pesë emrat e mundshëm për ta zëvendësuar Luis Enriquen, të cilët janë: Ronald Koeman (trajneri i Evertonit), Frank de Boer (trajner i lirë), Jorge Sampaoli (trajner i Sevillas), Ernesto Valverde (Athletic Bilbao) dhe Massimiliano Allegri (trajner i Juventusit).
Futbollistët kryesorë nuk kanë ndërmend ta bindin të ndryshojë mendim dhe që nga qershori, Luis Enrique nuk do të jetë më trajner në “Camp Nou”. Në këto kushte, bordi drejtues i Barcelonës ka nisur të punojë për gjetjen e zëvendësuesit. (M.D/ Shuplaka)
