Një 34-vjeçar i identifikuar si Olgert Miho është vetëdjegur me benzinë brenda banesës në lagjen nr. 10, në rrugën “petraq Shomo”, të qytetit të Korçës.
Nga të dhënat e deritanishme flitet se ai ndodhej në banesën e ish-vjehrrës kur ka ndërmarrë aktin e rëndë, nga plagët e të cilit nuk ka mundur të mbijetojë. Mësohet se si pasojë e asfiksisë, janë lënduar edhe 2-3 persona të tjerë, mes tyre edhe bashkëshortja e tij.
Nuk dihen ende arsyet e kësaj ngjarje. Dyshohet se ngjarja e rëndë ka ndodhur teksa 34-vjeçari ishte në gjendje të dehur. Ai kishte qenë i fejuar dhe kishte pak kohë që ishte ndarë. (XH.A/SHUPLAKA)
