Kërcënon gruan dhe djalin, arrestohet 40-vjeçari, i gjenden granata e lëndë plasëse

Një 40-vjeçar është vënë në prangat e Policisë së Sarandës, nën akuzën e dhunës në familje, ushtruar ndaj bashkëshortes dhe djalit të tij.

Gjatë kontrollit të ushtruar, shtetasit të ndaluar, Kudret Pekmezi 40 vjeç, i janë gjetur granata dhe lëndë e dyshuar plasëse.

Detaje nga Policia e Vlorës:

Kërcënon djalin dhe bashkëshorten për motive të dobëta, arrestohet në flagrancë nga policia ! Arrestohet shtetasi: – Kudret Pekmezi, 40 vjeç, banues në Qafë Gjashtë, Sarandë.

Policia ka bërë kapjen dhe arrestimin e këtij shtetasi, pasi ditën e djeshme ky shtetas dyshohet se ka kërcënuar me jetë djalin dhe bashkëshorten e tij, për motive të dobëta.

Gjatë kontrollit që i është ushtruar në banesë, forcat e policisë i kanë gjetur dhe sekuestruar në cilësinë e provës materiale:

– 2 granata ofensive,

– 5 ndezësa granatash

– 1 sasi të vogël, e dyshuar me lëndë plasëse.

Materialet u referuan në Prokurori për veprën penale “Prodhimi dhe mbajtja pa leje e armëve luftarake dhe municioneve”, neni 278/4, i K.Penal.

(XH.A/SHUPLAKA)