Në një takim me studentët e Universitetit të Politeknikut dhe ministrin e jashtëm Ditmir Bushati, zyrtarja e lartë e BE-së Federica Mogherini tregon se vendet arabe, dhe të tjera vende jashtë kontinentit europianë në njëfarë mënyre na “kanë zili”, për diçka unike që ne kemi, por nuk e dimë që e kemi.
“E ardhmja e BE nuk është e ardhmja e 17 vendeve anëtare, pasi ndërkohë që ka vende që duan të largohen ka të tjerë që duan të bashkohen, prandaj e ardhmja e BE-së është jo me 27, por 28 apo 29 e kështu me radhë. Por ka punë për t’u bërë si nga ne edhe nga ju.
E shoh se ka një vendosmëri shumë të madhe, jo vetëm që të jeni europianë por edhe anëtarë të BE.
E di që thashë se do përfundoj, unë dhe ministri juaj Bushati kemi një privilegj të përbashkët, ne e shohim europën nëpërmjet syve të partnerëve tanë në të gjithë botën. Vendet e tjera si Arabia por edhe të tjerë, ata e konsiderojnë BE dhe europianët si një kontinent ku jeta është më e mirë se në të gjithë botën.
Kam përshtypjen se ne si europianë nuk e kuptojmë këtë, vlerat dhe pasurinë që kemi. Flasim për 67 vite paqe, shumë duhet të bëhet ende, por kemi diçka të vyer që konsiderohet nga vendet e tjera të botës si unike. Nuk duhet ta shikoni të ardhmen si të largët, por si të afërt për juve. Ju lutem, afrojeni vendin tuaj drejt bashkimit europian.”, shprehet Mogherini përpara studentëve. (D.D/Shuplaka)
Discussion about this post