Kreu i BDI-së Ali Ahmeti i bën thirrje presidentit Gjorgje Ivanov që të rishqyrtojë edhe njëherë vendimin e tij, pasi refuzoi t’i jepte mandatin e kryeministrit liderit të LSDM-së Ali Ahmeti.
“Ne sot do ti shqyrtojmë të gjitha mundësitë kushtetuese, se si janë ato të parashikueshme me kushtetutë dhe ne mendojmë që zoti Ivanov duhet të jetë i kujdesshëm, ta rishqyrtoj edhe njëherë pozicionin e tij sepse këtu nuk duhet të bëhet eksperiment me shtetin me paqen.
Ne do bëjmë thirrje deri te Zoti Ivanoiv që ai edhe njëherë të rishqyrtoje pozicionin e tij dhe të shoh mundësite reale në zbatim të kushtetutës të RM-së. Në interes të askujt nuk shkon bllokimi i shtetit dhe bllokimi i institucioneve.”, tha Ahmeti në një prononcim për “Alsat Tv”.
Sipas tij, të gjithë në Maqedoni duhet të jenë të përgjegjshëm që të kontribuojnë në zgjidhjen e krizës dhe jo në thellimin e saj.
“Nuk është çështja këtu e lëshimit pe, nuk është çështja këtu e kompromiseve, këto janë çështje shumë parimore, shumë të rëndësishme që lidhen drejtpërsëdrejti edhe me përmbylljen e vetë Marrëveshjes së Ohrit, si një dokument i cili e prodhoi paqen, instaloi paqen në Republikën e Maqedonisë dhe aspak nuk është menduar bile që të bëhen lëshime të tilla”, tha Ahmeti. (D.D/Shuplaka)
Discussion about this post