Qëndrimit të opozitës në çadrën e ngritur përpara kryeministrisë duket se po i vjen fundi, ose të paktën kështu përflitet. Në fakt gjatë ditës së djeshme mes opozitës dhe mazhorancës pati disa tentative afrimi, për të ulur dhe të gjendet një zgjidhje e mesme.
Po ama moderatori Edi Oga ka një ‘’merak’’ edhe nëse mbyllet protesta. Çdo të bëhet me çadrën. Me një ironi edhe për ambasadoren Vlahutin dhe blerjen e vilës së saj për një shifër shumë të lartë ai thotë se çmimi i çadrës katërfishohet.
Madje sipas tij çadra është e arreduar edhe me pikturat me fletë blloku të kryeministrit Rama.
‘’Pas fitores së opozitës javën që vjen dhe kthimit të heronjve në shtëpi, shitet “çadra e lirisë”. Çmimi 20.000 Euro. Për zj. Vllahutin 80.000 Euro, i diskutueshëm për ngritje. Shitet bosh ose e arreduar me pikturat në fleta blloku të kryeministrit…!’’, shkruan Oga.
Pavarësisht mënyrës disi ironike me të cilën Oga shprehet brenda ka disa të vërteta. E para është që protesta e opozitës po vjen drejt fundit, dhe e dyta rasti i vilës së Vlahutin hesh shumë hije dyshimi dhe jo më kot ka marrë një jehonë edhe në mediat ndërkombëtare. (E.K/SHUPLAKA)
Discussion about this post