Prokuroria për Krime të Rënda ka nisur hetimet ndaj të afërmve dhe familjarëve të të shumëkërkuarit Klement Balili, për pasurinë e tyre.
Dei më tani vetëm një banesë në fshatin Stjar të Delvinës dhe një llogari bankare rezultojnë në emër të Balilit. Ndërsa pronat e tjera bashkë me kompleksin turistik rezultojnë në emër të vëllezërve.
Sipas ABC Neës, Balili dhe të afërmit e tij po hetohen me ligjin “Antimafia” edhe për pasurinë e tyre përveç hetimit penal.
Në llogarinë bankare, ku Balili merrte edhe rrogën e drejtorit të Drejtorisë Rajonale të Transportit në Sarandë, hetuesit kanë gjetur një sasi e vogël parash. Kështu sipas organit të akuzës, asnjë pronë tjetër apo pasuri si tokë e truall apo ara, nuk figurojnë në emër të Klemend Balilit, qofshin këto edhe në bashkëshpronësi.
Kjo është edhe arsyeja pse Prokuroria ka nisur hetimet edhe ndaj të afërmve të Balilit, të cilësuar nga mediat greke si “Escobari i Ballkanit”.
Kështu, sipas të dhënave të Prokurorisë, kompleksi turistik në Sarandë “Santa Quaranta” rezulton në mër të vëllait të Balilit dhe është privatizuar shumë vite më parë me procedura të rregullta, por që nuk mund të verifikohet origjina e parave të privatizimit të ndërtesës. (D.D/Shuplaka)
Discussion about this post