Ministri i Punëve të Jashtme Ditmir Bushati firmos peticionin dhe i bashkohet nismës së shoqërisë civile për mbledhjen e firmave pro vettingut në në qyetin e Shkodrës.
Sipas Bushatit, implementimi dhe nisja e zbatimit të Reformës në Drejtësi është edhe kushti për çeljen e negociatave për pranim në Bashkimin Europian.
“Vendosa të firmos peticionin për vetting sepse është një pikë kthese jo vetëm për reformimin e drejtësisë dhe hapat për në BE por është një mundësi për pastrimin e jetës publike në Shqipëri. Shumë bëjnë pyetjen pse firmosin ministra e deputet. Përfaqësuesja e lartë e BE-së, Federica Mogherini e tha dje që vetting është kusht i qënësishëm për reformën dhe për ndërtimin e një shoqërie demokratike si dhe është kushti themelor për çeljen e negociatave për anëtarësim”, tha ministri i jashtëm.
Ndërsa lidhur me deklaratat e opozitës se do të rikthehen në parlament pa një qeveri teknike, Bushati nuk ka preferuar t’i komentojë.
“Nuk është asgjë tjetër veçse verifikim i imët i figurës së prokurorit dhe gjyqtarit në bashkëpunim me ekspertizën ndërkombëtare. Nuk kam preferuar asnjëherë as të komentoj dhe as të interpretoj vendime apo deklarime të opozitës.”, tha Bushati. (D.D/Shuplaka)
Discussion about this post