Kapoja i bandës së gjobvënësve në Shkodër, djali i anëtarit të Këshillit Bashkiak (FOTO)

Një nga drejtuesit e grupit kriminal të gjobvënësve në Shkodër, është djali i kryetarit të Partisë Mendimi i Djathtë Liberal dhe anëtar i këshillit bashkiak të Shkodrës, Mustafa Lici.

Lici ka kandiduar për deputet në Shkodër në zgjedhjet parlamentare të 2013-ës, pasi ishte në listën e PS-së.

Sipas një të përditshme shqiptare, ai rezulton i dënuar në 2007 dhe në 1985 për plagosje e lehtë me dashje, ndërsa është ndaluar nga policia 4-5 herë nga viti 1990-2016.

Djali i politikanit, Muhamet Lici, u arrestua sot në kuadër të operacionit të quajtur “ilegal bills”.

Të arrestuarit:

1. Muhamet Mustafa Lici, i vitlindjes 1992, lindur dhe banues në Lagjen “Guerrile” Shkodër , i dënuar më parë me 4 vjet e 8 muaj burgim për veprën penale të “Prodhimit dhe mbajtje pa leje të armëve dhe municionit luftarak ”, parashikuar nga neni 278/2/5 të K. Penal.
2. Abedin Eljaz Bajraktari, i vitlindjes 1990, lindur dhe banues në lagjen “Guerrile” Shkodër , në gjendje gjyqësore “i dënuar”.
3. Denis Zaim Skutina , i vitlindjes 1993 , në Shkodër dhe banues në Lagjen “Naim Gjylbegu”, Shkodër.
4. Shtetasi G.S, i vitlindjes 2000, lindur dhe banues në Lagjen “Naim Gjylbegu”, Shkodër.
5. Besmir Merzuk Domnori, i vitlindjes 1993, lindur dhe banues në Lagjen “Qemal Stafa” Shkodër.
6. Gëzim Ragip Vajushi, i vitlindjes 1960, i lindur e banues në lagjen “Ahmet Haxhia”, i dënuar.
7. Fatmir Vehbi Dibra, i vitlindjes 1964, lindur dhe banues në lagjen “Kongresi i Përmetit”, Shkoder. (D.D/Shuplaka)[ngg_images source=”galleries” container_ids=”1286″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]