Pa greva urie false, pa melodrama false, me realizëm, më sakrificë e me kurajo. Do hyjë në historinë e Shqipërisë si fitorja më e bukur e qytetarëve shqiptarë. Sot na janë bashkuar fermerët nga rrethe të ndryshme. Në një tur prej më shumë se një viti kemi qarë së bashku problemet. Sot fermerët kanë zbarkuar në “Sheshin e Lirisë” përpara kryeministrit të fasadave që për katër vite ka refuzuar të dëgjojë hallet tuaja e t’u japë zgjidhje.
Kudo ku iu kam takuar, keni shprehur problemet e mëdha me të cilat përballen njerëzit më punëtorë të Shqipërisë. Jeta në fshat është vështirësuar sepse kostot e prodhimit janë shtuar, prodhimi ka rënë.
A e dini sa para ka vënë mënjanë Rama për subvecionet e kaluara në gjithë Shqipërinë? 7 milionë dollarë. A e dini sa ka harxhuar me avionët e tij? 15 milionë dollarë bileta avioni.
12 premtime, 12 mashtrime në katër vite të Edi Ramës. Ky është kryeministri i 12 mashtrimeve. Kjo është arsyeja përse sot shumica dërrmuese e fermerëve është në prag falimentimi. Sot jemi mbledhur këtu për të denoncuar mashtrimin dhe për t’u thënë shqiptarëve se ka mundësi të dalim nga kjo krizë. Për t’u përsëritur fermerëve se “Po, ka rrugëdalje nga kjo krizë”. Qeveria e PD-së ka një plan zhvillimi për bujqësinë. 100 milionë euro subvencione të drejtpërdrejta për fermerët shqiptarë, pa burokraci, të matur në punën e tyre. 50 milionë euro do të shkojnë për investime që mbështesin infrastrukturën bujqësore.
Fermerët shqiptarë nuk mund të jenë vendi ku hidhen plehrat e Europës, plehra kimike që nuk funksionojnë. Kjo do të marrë fund. Gjithçka do të vijë me tjetër cilësi.
Paratë do i nxjerrim nga xhepat e hajdutëve dhe koncesionarëve të lidhur me qeverinë, aty janë paratë. Që të ndodhë kjo duhet të kemi një shtet në krah të fermerit, duhet populli që vendos.
Dje, Edi Rama ka kërkuar që të vijë në këtë çadër. Ka kërkuar tek “Shqipëria reale”. Kjo sipas asaj që ka shkruar, është dëshira e tij. Ka thënë se do ta bëjë këtë me qëllim që opozita të mos bllokojë Vettingun.
Rama po e bllokon hyrjen e Shqipërisë në Europë, më drogë e me krim. 7 kushte për t’i hapur dyert Shqipërisë. Ia numëruan gjermanët. Shqiptarët e dinë mirë se kush po e bllokon rrugën e Shqipërisë në Europë, me përjashtim të ndonjë painformuari apo miku. Nëse do vërtet të bashkëpunojë, atëherë të vijë si i penduar dhe të japë dorëheqjen e të lejojë qeverinë teknike. Nëse është tjetër mashtrim, atëherë nuk je i mirëpritur në këtë çadër, do vijë “sheshi” tek ty.
(XH.A/SHUPLAKA)
