Shqiptarët nisin punën për Paradën Shqiptare në New York

Kanë nisur së fundmi në Shtetet e Bashkuara të Amerikës, përpjekjet nga ana e emigrantëve shqiptarë për zhvillimin e Paradës Shqiptare në New York.

Parada do të mbahet më 17 qershor 2017 dhe do i bashkangjitet Paradës Ndërkombëtare të Emigrantëve. Referuar gazetës “Ilyria” mësohet se paradës në një nga bulevardet më të njohura të qytetit të Nju Jorkut – America Avenue, do i bashkohen 10 organizata dhe shoqata.

Mësohet se parada e këtij viti do u dedikohet arbëreshëve të Italisë. “Kjo Paradë, mbahet për të tetin vit me radhë në qytetin e Nju Jorkut, dhe është organizuar nga Organizata Rrënjët Shqiptare në bashkëpunim me kuminitetin shqiptarë në zonën e Tri – Shteteshit.”, ka bërë me dije presidenti i organizatës “Rrënjët Shqiptare”, Marko Kepi. (XH.A/SHUPLAKA)