Një shtetas 46-vjeçar nga Vlora është vënë në prangat e policisë. Raportohet se me djalin 3-vjeçar tentoi të niset drejt Greqisë pa dijeninë e bashkëshortes, por ka hasur pengesë policinë.
Duke tentuar ta korruptojë me 500 lekë, Ilir Avduramani ka përfunduar i arrestuar.
Detaje të Policisë së Sarandës:
Policia Kufitare ka arrestuar në flagrancë për veprën penale “Korrupsioni aktiv i personave që ushtrojnë funksione publike”, shtetasin: – Ilir Avduramani, 46 vjeç, banues në fshatin Mavrovë, Vlorë.
Policia ka bërë kapjen dhe arrestimin e tij në flagrancë në Pikën Kufitare të Kalimit Qafë Bot, Sarandë, pasi ky shtetas ka tentuar të dalë jashtë shtetit në drejtim të Greqisë bashkë me djalin e tij (rreth 3 vjeç), për të cilin nuk kishte prokurë të posaçme nga bashkëshortja e tij.
Në këto kushte, Avduramani, ka tentuar të korruptoje punonjësin e policisë kufitare (kontrollonin e turnit) duke i ofruar atij 500 lekë, brenda dokumentacionit që kishte për të dalë jashtë shtetit.
(XH.A/SHUPLAKA)
Discussion about this post