Armando Sadiku vazhdon të shkëlqejë në kampionatin zviceran të futbollit ku po shënon me një rregullsi të admirueshme për Luganon. Me përjashtim të ndeshjes së parë të fazës së parë ndaj Bazelit, Sadiku ka shënuar në të katër ndeshjet e tjera radhazi, duke u kthyer menjëherë në një prej sulmuesve më në formë në Superligën Zvicerane.
Ndaj ashtu si në dy javët e mëparshme, e përditshmja zvicerane “Blick”, e ka përfshirë atë në formacionin ideal të javës dhe arsyeja që jep kjo gazetë është shumë domethënëse.
“Armando Sadiku (Lugano): Shënon dhe shënon dhe shënon dhe shënon dhe shënon”, është mesazhi i qartë i të përditshmes zvicerane. Kjo e fundit krijoi një polemikë të ndezur një vit më parë kur nuk përfshinte sulmuesin në formacionin ideal edhe pse gjente rregullisht rrjetën me Vaduzin aq sa u akuzua edhe për racizëm ndaj shqiptarëve. (E.K/SHUPLAKA)
Discussion about this post