Detaje të reja kanë dalë nga ngjarja e rënes së zjarrin në Vlorë mbrëmjen e djeshme, ku një apartament u shkrumbua nga flakët. Dyshimet nga ana e policisë janë se zjarri mund të jetë vënë nga dy persona që kishin hyrë për ta grabitur.
Në këtë pistë janë përqendruar edhe hetimet e policisë disa orë pasi një apartament në katin e 6 të një pallati në lagjen “Pavarësia” u dogj plotësisht, ndërsa banorët ndodheshin në Tiranë për të festuar “8 Marsin”. Deri tani janë marrë në pyetje vetëm 3 persona jashtë familjes, si të dyshuar apo si persona që kanë dijeni për ngjarjen, shkruan një portal online.
Ekspertët e kanë të vështirë për të gjetur praova në aparatament për të kuptuar shkaqet e rënies së zjarrit, por kjo e fundit ka qenë e vështirë, pasi i gjithë apartamenti u dogj si pasojë e zjarrit, i cili dyshohet se fillimisht është aktivizuar në pjesën e sallonit.
Fëmijët që ndodheshin poshtë pallatit kanë deklaruar për policinë se kanë parë të dalin dy persona të maskuar duke vrapuar. Sipas policisë janë gjetur në derën e apartamentit një palë çelësa, çka dëshmon se autorët e ngjarjes kanë hyrë normalisht nga dera pasi kanë pasur një kopje të çelësave të shtëpisë. Kryefamiljari Albert Isufi ka deklariar se nuk ka konflikte me askënd. (J.V/Shuplaka)
Discussion about this post