Komisioni i Ekonomisë shkarkoi sot nga detyra e kreut të AMF-së, Enkeleda Shehin, bashkëshorten e Dashamir Shehit, i cili i është bashkuar protestës së opozitës.
Por ky vendim nuk u mor me miratimin e të gjithë anëtarëve të komisionit, pasi anëtarët e Lëvizjes Socialiste për Integrim shprehën qëndrimin kundër shkarkimit të saj nga posti i drejtoreshës së Autoritetit të Mbikëqyerjes Financiare.
“Shuplaka” zbardh qëndrimin kundër të anëtarët përfaqësues të LSI-së, Gjovalin Kadeli. Duke e konsideruar AMF-në një institucion delikat financiar, ai u shpreh se çdo ndërhyrje pa vend në Autoritetin e Mbikëqyrjes Financiare shkakton tronditje për tregun financiar.
“AMF është një institucion delikat financiar. Argumentet për shkarkimin e Shehit janë të pamjfatueshme. Jap votën kundër pasi nuk pati transparencë dhe procesi ishte i nxituar dhe jo objektiv. Çdo ndërhyrje pa vend në AMF është tronditje për tregun financiar.”, është shprehur Kadeli.
Qëndrim kundër mbajti edhe anëtari tjetër përfaqësues i LSI-së, Gledion Rahovica. (XH.A/SHUPLAKA)
