Një grua me probleme mendore tenton të vetëvritet duke u dalë makinave përpara dhe duke u shtrirë në mes të rrugës, por ndërsa qytetarët tentojnë ta ndihmojnë, s’mund të thuhet e njëjta gjë për ambulancën.
Në këtë video të publikuar nga një aktivist i shoqërisë civile, Zirkon disha, shihen qartë pamjet e kësaj skene terrori në mes të ditës në kryeqytet.
Sipas Dishës, gruaja në video nuk është hera e parë që kryen një veprim të tillë por pavarësisht kësaj askush se ka marrë përsipër ta trajtojë dhe t’i ofrojë kujdes mjekësor dhe psikologjik.
“Nje grua me probleme mendore qe tenton vetevrasje.
Jane me dhjetra njerez qe tentojne per ta ndihmuar, por eshte e pamundur.
Ajo shtrihet mes rruges, dhe shpesh ndalon trafikun.
Ja dhe momenti kur nje ambulance devijon si gjithe makinat e tjera.
Jam i bindur qe policia eshte njoftuar me dhjetra here per kete ngjarje te dhimbshme dhe te pazakonte.
Ajo ka nevoje per trajtim, por e vetmja zgjidhje qe i jepet nga kalimtaret eshte zhvendosja e perkoheshme ne trotuar! Nje skene absurde dhe e dhimbshme.”, shkruan Disha. (D.D/Shuplaka)
Discussion about this post