Reforma në Drejtësi prej kohësh duket se ka ngecur, sidomos përsa i përket plotësimit të vendeve vakante në institucionet e reja që do të krijohen. Shpeshherë garat rezultojnë të jenë fiktive, kjo edhe për shkak që numri i kandidatëve është më i ulët se numri i vendeve të lira.
Në kuadër të kësaj sekretarja e Përgjithshme e Kuvendit të Shqipërisë, Albana Shtylla i ka dërguar një letër kreut të Kuvendit Ilir Meta në lidhje me krijimin e institucioneve të reja të drejtësisë.
Albana Shtylla kërkon të rihapet edhe njëherë gara për pedagogët e drejtësisë, pasi nuk plotësohet minimumi i kandidaturave për kandidatët e interesuar në Këshillin e Lartë Gjyqësor dhe Këshillin e Lartë të Prokurorisë.
Albana Shtylla thekson në letër se numri i kandidatëve për secilin nga Këshillat është më pak se 7, konkretisht për KLGJ numri i aplikantëve pedagogë është 6 kurse për KLP numri i aplikantëve nga Universitetet është 5. (E.K/SHUPLAKA)
Discussion about this post