Pas aktorit Agron Llakaj, dhe gazetares Sonila Meço, edhe një këngëtar i njohur ka firmosur për pjesëmarrjen e partisë LIBRA në zgjedhjet parlamentare të 18 qershorit.
“Këngëtari dhe miku im i dashur Endri Prifti firmos për LIBRA” shkruan Blushi në Facebook krahas fotos ku shfaqet këngëtari duke firmosur.
Më herët Ben Blushi ka akuzuar Komisionin Qendror të Zgjedhjeve se po tenton të nxjerrë partinë e tij jashtë zgjedhjeve përmes një udhëzimi që ndryshon rregullat për kandidimin e partive politike.
KQZ ka propozuar një udhëzim sipas të cilit data referencë e regjistrimit nuk është dita e zgjedhjeve, por dita e dorëzimit të listave të deputetëve. Pra jo 18 qershori, por 28 prilli.
Sipas KQZ-së duhet të mblidhen 5 mijë firma nga zgjedhësit që LIBRA të marrë pjesë në zgjedhje. (J.V/Shuplaka)
