Sot në KQZ partitë opozitare do të dorëzojnë ultimatumin për zgjedhje të lira e të ndershme. Nuk do ketë bojkot, do ketë zgjedhje të lira dhe të ndershme, do ketë republikë të re, shqipëria do të fitojë. Republika e vjetër dhe klanet kriminale guxuan të venë në pikëpyetje gatoshmërinë tonë.
Dje e morrën mesazhin, sot do e marrin me firmë dhe vulë seriozitetin për të qëndruar me popullin dhe për popullin. Kësaj Shqipërie nuk mund t’ia mbyllë gojën asnjë pushtetar i lidhur me krimin. Ditë për ditë e natë për natë do jemi këtu për një kauzë.
Në çadër shpalosen shpresat e një Shqipërie të re. Ne do e bëjmë realitet qeverinë teknike për largimin e Edi Ramës.
Jemi këtu duke u njohur më shumë me njëri-tjetrin, me ju, me qindra mijëra heronj. Jemi këtu duke frymëzuar kurajon dhe vrarë frikën. Ne nuk e bëjmë këtë proteste, këtë betejë, për të ndryshuar partinë politike, por për të fituar pasaportën e dinjitetit europian.
Llogaritë t’i bëjë mirë republika e vjetër. Një grusht njerëzish që përfaqësojnë llumin e shoqërisë shqiptare. Nuk ka qeveri të korruptuar që mund të ngrihet kundër popullit. Jemi të gjithë në këtë provë.
(XH.A/SHUPLAKA)
Discussion about this post